公視新聞網 https://news.pts.org.tw/article/726036 透早玉山結霜賰零下1.3度 拜三冷氣團會愈寒 發布時間：2024-11-26 19:15 更新時間：2024-11-26 19:27 鄭亞宣 謝季潾／臺北報導 https://www.youtube.com/watch?v=zEwa2vhQYLE 入秋頭一波冷氣團明仔載到位，毋過今仔已經有感覺溫度下降，玉山氣象站，今仔透早低 溫降到零下1.3度，閣出現結霜的現象。氣象署表示，明仔冷氣團落南，北台灣愈暗愈寒 ，預估拜三暗到拜六透早，平地早暗上低溫，可能無到10度。（此則新聞標題、導言、內 文皆為臺語文。） 玉山鐵欄杆頂面結一層的霜，氣象站人員佇頂面寫字，規个氣象設備攏結霜矣。拜二透早 玉山上低溫來到零下1.3度，天氣冷吱吱。氣象署表示，拜三到拜六大陸冷氣團落南，各 地早暗上低溫可能無到10度。 氣象署預報員黃恩鴻講：「北臺灣可能會來到10度，甚至有10度以下的局部低溫出現，中 部佮南部平地嘛可能有11度10度左右的低溫出現。」 是毋是會閣落雨？氣象署表示，拜三大陸冷氣團落南，會共焦冷的空氣帶來台灣，拜三到 拜六，台灣攏是焦冷、無雨的天氣型態。 氣象署預報員黃恩鴻講：「規个明仔載(拜三)一直到拜六，普遍攏是好天濟雲，較好天穩 定的天氣型態。」 氣象署特別提醒，拜三開始愛特別注意早暗溫差變化，尤其是日頭落山了後，各地溫度會 降真濟，中南部早暗溫差會差10度、北部差欲7度。氣象署提醒民眾，這幾日攏是焦冷的 天氣型態，鄉親愛穿予燒。 曹詠涵/編輯 -- ※ 發信站: 批踢踢實業坊(pttsite.org.tw), 來自: 111.255.109.150 (臺灣) ※ 文章網址: https://pttsite.org.tw/Gossiping/M.1732626590.A.2D7